உத்தமம் ,...

நினைவுகளை சுமப்பதை,
- விட
நிஜங்களை கடப்பதே,
உத்தமம் ,...

முத்தங்கள்,...

எதிர்பார்த்தாலும் கிடைக்காது,
எதிர்ப்பையும் ஏற்பது !

விலைக்கு கிடைக்காது,
விற்கவும் முடியாது !

கேட்டாலும் கிடைக்காது,
கேட்க்கவும் முடியாது !

மறக்கவும் முடியாது,
மறைக்கவும் முடியாது !

எதிர்பாராமல் கிடைக்கும்
முத்தங்கள் !!!

முதலாய் முதன் முதலாய்,
கிடைக்கும் முத்தங்கள் !!!,..

கவிதையே,...

உனக்காக எழுதுகிறேன்,
உன்னை நினைத்து கவிதை !

உனக்காக எழுதுகிறேன்,
என்னை மறந்து கவிதை !

உனக்காக எழுதுகிறேன்,
என் உயிருள்ள கவிதை !

உனக்காக எழுதுகிறேன்,
என்னுள் பொய்யில்லா கவிதை !

உனக்காக எழுதுகிறேன்,
கதையில்லா கவிதை !

உனக்காக எழுதுகிறேன்,
வருத்தமில்லா கவிதை !

உனக்காக எழுதுகிறேன்,
என்னுயிர் கவிதையே !!!,...

சிந்தனை சிறகுகள்

மனிதன் சிந்திக்க
தொடங்கும் போது தான்,...
வெற்றிகளை சந்திக்க
தொடங்குகிறான்,...
சிந்தனை நம் வாழ்வின்
முன்னேற்றத்தின் திறவுகோல்,...
சிந்தனை மூலமே எது சரி ?
எது தவறு ? என கண்டு தெளிகிறான்,...
சிந்திக்க தெரிந்தவனே
சாதனைகளை சந்திக்க தெரிந்தவன்,...
இன்றில் இருந்தாவது
சிந்திக்க தொடங்குங்கள்,...

கனவினில்,...

எனக்காக நேசித்தேன்,
உனக்காக யாசித்தேன் !

கவிதையாக வாசித்தேன்,
கனவினில் நேற்று !

நீயோ ?!

கனவாக நேசித்தாய்,
கடுமையாக யாசித்தாய்,

கடனாக வாசிக்கிறாய்,
நிஜத்தில் இன்று !...

மெளனம்,...

மௌனமாய்

பேசி சென்றாய்,

கண்களினால்.

மௌனமாய்

புலம்புகிறேன்,

உன் கண்ணசைவால்.

மெளனம் கூட

உன்னால்,

மெளனம் ஆனது.

நானும் கூட தான்,...

நிலவே வெண்ணிலவே !

நிலவே
வெண்ணிலவே ,
நீ ஏன் ஓடி ஒளிந்தாய்?

மாதத்தில்
ஒருநாள் மட்டும்
எனக்கு ஏன் இருளை தந்தாய்?

ஒருநாள் என்பது
உனக்கு
அது ஒருநாள்,
எனக்கோ
அது ஒருயுகம்.

சிரிப்பு

தினம் தினம்
பூக்கும்
பூக்களை விட
என்றாவது வரும் போது
நீ சிரிக்கும்
உனது சிரிப்பு
அழகானது ,...

தனிமையில் நான்,...

தனிமையை நான் நேசிக்கிறேன்,
உன் முகம் ஒளிரும் என்றோ ?!,...

தென்றலை நான் உணர்கின்றேன் ,
உன் குரல் ஒலிக்கும் என்றோ ?!,...

காற்றை நான் சுவாசிக்கிறேன்,
உன் சுவாசம் கலந்திருக்கும் என்றோ ?!,...

இரவினில் நீண்டநேரம் விழித்திருக்கிறேன்,
நீயும் விழிதிருப்பாய் என்றோ ?!,...

காலையில் விழித்தெழ மறுக்கின்றேன்,
நீ கலைந்து விடுவாய் என்றோ ?!,...

உன்னையே !
நினைத்து என்னிதயம் மகிழ்கின்றது,
நீயும் நினைத்துக்கொண்டு இருப்பாய் என்றோ ?!!!,...

-மதி.பிரகாஷ்,...

தெரியுமா?,...

கவிதை,...
என்பது,
எழுத்தின் வடிவம் !
அல்லது,
காதலின் வடிவம் !

காதல்,...
என்பது,
ஆசையின் குமுறல் !
அல்லது,
அன்பின் குமுறல் !

அன்பு,...
என்பது,
நட்பின் வலிமை !
அல்லது,
நடிப்பின் வலிமை !

நட்பு,...
என்பது,
இன்பத்தின் கூடல் !
அல்லது,
இழப்பின் கூடல் !

-மதி.பிரகாஷ்,..

ஒன்று, இரண்டு, மூன்று, ...

ஓரெழுத்து கவிதை நீ !
ஈரெழுத்து கவிதை தோழி!
மூன்றெழுத்து கவிதை நட்பு!...

- மதி.பிரகாஷ்.,

கவிதையை நோக்கி,...

இரவின் வெளியீடு,
விடியலை நோக்கி !

இருளின் வெளியீடு,
வெளிச்சத்தை நோக்கி !

எண்ணத்தின் வெளியீடு,
வெற்றியை நோக்கி !

என் இதயத்தின் வெளியீடு,
கவிதையை நோக்கி !!!,...

-மதி.பிரகாஷ்,...

பிரிவும் சுகமானது,...

முன்னவன் பார்வையில் அவள்,
பின்னவன் காண்கையில் கானல் நீர் !

முன்னவன் கண்ட அவள்,
பின்னவன் காண்கையில் முன் அவன் !

அவளின் நா திறக்கையில் ,
அவனின் நா திறந்தது !

திறந்ததனால் எழுந்த,
மொழியினிலே மொழியும் கலந்தது !

சிறுமணிதுளி அளவு காலத்தில்,
பிரிவு தழுவியது அவர்களை !

அந்த பிரிவும் சுகமானதானது ,
அடுத்த சந்திப்பை எதிர்நோக்கி !?,...

-மதி.பிரகாஷ்,...

நேசம்,...

நிலவின் ஒளியில்
நீரின் குளிரில் !
மலரின் மனத்தில்
மாலையின் சுகத்தில் !

மயிலின் அழகில்
மௌன மொழியில் !
இடியின் இசையில்
இசையின் சுகத்தில் !

மண்ணின் வாசத்தில்
உயிரின் சுவாசத்தில் !
மலையின் உயரத்தில்
அன்பின் ஆழத்தில் !

அனைத்திலும் உணர்கின்றேன்
உனது நேசத்தை !!!

-மதி.பிரகாஷ்.,

மலரும்,...

காதலி உள்ளிருந்தால்
கண்ணீர் மலரும் !

கண்ணீர் உள்ளிருந்தால்
கவிதை மலரும் !

கவிதை உள்ளிருந்தால்
காதல் மலரும் !

காதல் உள்ளிருந்தால்
மௌனம் மலரும் !

மௌனம் உள்ளிருந்தால்
வார்த்தை மலரும் !

வார்த்தை உள்ளிருந்தால்
கனவு மலரும் !

கனவு உள்ளிருந்தால்
நினைவு மலரும் !,...

நினைவுடன் ,...

-மதி.பிரகாஷ்,...

மருமகள்,...

கையில் விளக்குடன்
ஒரு பெண்
வீட்டிற்குள் புகுந்தாள்

உள்ளே இருந்தவர்கள்
யாரென்றனர் ?!!
அவளை பார்த்து ,...

இன்னுமா புரியவில்லை !
நான் தான் உங்கள் வீட்டுக்கு
விளக்கேற்ற வந்தவள்,...

என்ன ?!!!,....

-மதி.பிரகாஷ்.,

நட்பு,...

உள்ளங்கையில்
உன்னை வைத்து,

உறவை தள்ளி வைத்து,

நினைத்து பார்த்தேன் !
உனக்கும்,
எனக்குமுள்ள நட்பை !

நட்புடன் ,...

-மதி.பிரகாஷ்.,

முதிர் கன்னிகள்

கண்களில் ஈரம்
காயும் முன்னே,

எங்களை ஏற்கும்
கரங்கள் வருமா ?!

கண்ணீருடன்
பூக்கள்,...

-ம.பிரகாஷ்.,

இளமையில் வருவது,...

இதழ்களால் வருவதில்லை,
இதயத்தால் வருவது !

இன்பத்தால் வருவதில்லை,
இன்பமாக வருவது !

துணிந்தால் வருவதில்லை,
துணிவாக வருவது !

கண்முன் வருவதில்லை,
கனவாக வருவது !

கனியாக வருவதில்லை,
கனிவாக வருவது !

சுவைத்தால் வருவதில்லை,
சுவையாக வருவது !

எழுத்தில் வருவதில்லை,
எழுத்தாய் வருவது தான் காதல் ,.....

-மதி.பிரகாஷ்,...

ஆசை,...

எனது துயரைப் போக்க,
நான் உன்னை ஏந்தினேன் !

உனது துயரை நீக்க,
நீ என்னை ஏற்றாய் !

எனது துயர் உனது,
உயிரின் பிரியலாக அமையும் !

என அறியாத நான்,
அறிந்தும் ஏற்ற நீ !

உன்னை போல் பிறவி எடுக்க,
ஆசை ! நானும் எழுதுகோலாக !!.,

-மதி.பிரகாஷ்.,

ஓவியமே,...

முதலில் வண்ணந்தான் கண்டேன்,
முதுகில் வளைவுகள் ஏன்கண்டேன் !

முகத்தில் வெக்கந்தான் கண்டேன்,
உதட்டில் சிரிப்பை ஏன்கண்டேன் !

உன்னில் உருவந்தான் கண்டேன்,
கண்ணில் கருவிழியை ஏன்கண்டேன் !

முதுகில் கூந்தலைதான் கண்டேன்,
கூந்தல் மாலையினுள் ஒழிய ஏன்கண்டேன் !

உன் அழகைதான் கண்டேன்,
ஓவியமே உன்னை உயிராக ஏன்கண்டேன் !

-மதி.பிரகாஷ்.,

சிதறல்கள்,....

எனது ஓவியத்தில் இடமளித்தேன்,
வண்ணங்களை சிதறடித்தாய் !

எனது கவிதையில் இடமளித்தேன்,
கற்பனையை சிதறடித்தாய் !

எனது விழிகளில் இடமளித்தேன்,
பார்வையை சிதறடித்தாய் !

எனது இதழ்களில் இடமளித்தேன்,
சிரிப்பை சிதறடித்தாய் !

எனது இதயத்தில் இடமளித்தேன்,
எண்ணங்களை சிதறடித்தாய் !

என்னில் இருந்து சிதறிய சிதறல்கள்,
யாவும் நீயே !!

- ம . பிரகாஷ்.,

காதல்,...

கண்களை கசக்கி கொண்டு,
வாசலில் நின்றாய் !

கனவுகளை சுமந்து கொண்டு,
கட்டிலில் விழிதாய் !

எதையோ பரிகொடுத்ததுபோல்,
உடம்பை கெடுத்தாய் !

இத்தனையும் எதனால் ?!
என்று யோசித்துப்பார்.

உனக்கே புரியும்,
காதல் உனக்குள் எழுந்த உண்மை !!!,....

- மதி. பிரகாஷ்,.....